Pyetja: E kanë pyetur Shejhul-Islam, Ibën Tejmijje për transmetimet që flasin për vlerën e agjërimit në tre muajt, çka thua për itikafin dhe heshtjen në këto muaj, a është prej veprave të mira ose jo? Përgjigjja: Sa i përket veçimit të Rexhebit dhe Shabanit, që të dyja me agjërim ose itikaf, nuk ka argument nga Pejgamberi, sal-lall-llahu alejhi ve sellem, as nga sahabet e tij, e as nga ndonjëri prej imamëve të muslimanëve. Madje është vërtetuar në hadithe të vërteta se Pejgamberi, sal-lall-llahu alejhi ve sel-lem, ka agjëruar deri në muajin Shaban, e më së shumti ka agjëruar në muajin Shaban, për shkak të muajit Ramadan, kurse agjërimi i muajit Rexheb në veçanti, të gjitha hadithet që flasin për këtë temë janë të dobëta, madje të trilluara, nuk mbështeten në to dijetarët, sepse nuk janë as prej haditheve të dobëta të cilat mund të vlejnë në vepra të vlefshme, pasiqë të gjitha janë të trilluara dhe të rrejshme. Hadithi më i mirë që transmetohet rreth këtij muajit është se Pejgamberi, sal-lall-llahu alejhi ve sellem, kur hynte muaji Rexheb thoshte: “All-llahu ynë na beko ne në muajin Rexheb dhe Shaban, e na mundëso të arrijmë muajin Ramadan”. (Shejh Muhamed El-Hut Bejruti në librin e tij “Esnal-Metalib”, fq. 111 thotë: “Për muajin Rexheb nuk ka asnjë hadith të vërtetë, siç ka treguar Ibën Rexhebi. Mirëpo Axhluni në librin e tij “Keshful-Hafa”, 2/ 580, thotë: “Them: ato janë hadithe daife (të dobëta) e jo meudua (të trilluara), siç ka treguar Ibën Haxheri në “Tebjinul- Ahxebi fima jetealeku bi Rexhebi” sh.p.) Transmeton Ibën Maxheja nga Ibën Abbasi, radijall-llahu anhu, se ka ndaluar nga agjërimi i muajit Rexheb, mirëpo ky hadith nuk është edhe aq i fuqishëm, mirëpo është hadith i vërtetë se Omeri, radijall-llahu anhu, u ka rënë njerëzve në duar, që të vëndojnë duart në ushqim gjatë muajit Rexheb, e thoshte: “Mos ia ngjajni Ramadanit”. Ebu Bekri hyri në shtëpinë e tij dhe pa se familja e tij kishin blerë enë për ujë, dhe bëheshin gati për agjërim, e u tha: çka është kjo? Thanë: muaji Rexheb. U tha: a dëshironi që tia përgjani Ramadanit? E i theu ato enë. Nëse disa ditë ha e disa agjëron, kjo nuk është e urrejtur, sepse transmeton Imam Ahmedi në Musnedin e tij se Pejgamberi, sal-lall-llahu alejhi ve sel-lem, ka urdhëruar që të agjërohen muajt e shenjtë, edhe ate katër muajt, Dhul-Kaden, Dhul-Hixhen, Muharemin dhe Rexhebin. Domethënë agjërimi i katër muajve e jo vetëm i muajit Rexheb. Kurse veçimi i tij me itikaf, nuk di se ka ndonjë urdhër, por ai që agjëron agjërim legjitim dhe dëshiron të bëjë itikaf, kjo atij, pa dyshim, i lejohet. E nëse ban itikaf pa agjërim, për këtë çeshtje ka dy mendime të njohura, dhe që të dyjat transmetohen nga Imam Ahmedi; njëri se ska itikaf pa agjërim, siç është mendimi i Ebu Hanifes dhe Malikut, dhe i dyti: itikafi është valid edhe pa agjërim, siç është medhhebi i Imam Shafiut. Sa i përket heshtjes gjatë agjërimit ose gjat itikafit, ose në raste tjera, kjo është bidat i urrejtur dhe në këtë janë pajtuar dijetarët. Mirëpo a është haram ose mekruh, rreth kësaj ka dy mendime. Imam Buhariu në sahihun e tij tregon se Ebu Bekri, radijall-llahu anhu, ghyri te një grua nga fisi Ahmes, të cilën e gjeti duke heshtur, nuk flitke, e i tha: kjo nuk lejohet, kjo është vepër e injorancës. Imam Buhariu në sahihun e tij tregon se Ibën Abbasi, radijall-llahu anhu, tregon se Pejgamberi, sal-lall-llahu alejhi ve sel-lem, ka parë një njeri duke qëndruar në dielli, e tha: kush është ky? 52 Thanë: Ebu Israili, është zotuar të qëndrojë në diell e mo stë hynë nën hije, të mos flet dhe të agjërojë. Atëherë tha: urdhërone që të ulet, të hy nën hije, të flet dhe të plotëson agjërimin”. Pra, edhe pse ishte zotuar, Pejgamberi, sallall- llahu alejhi ve sel-lem, e urdhëroi të flet, ashtu sikurse e urdhëroi të ulet, edhe pse ishte zotuar që të qëndrojë në këmbë, dhe edhe pse ishte zotuar të qëndrojë në diell, e urdhëroi të hynë nën hije, kurse e urdhëroi që vetëm të vazhdon me agjërimin. Ky hadith është i qartë se këto vepra nuk janë afrime (adhurime), me të cilat urdhërohet zotuesi, edhe pse Pejgamberi, sal-lall-llahu alejhi ve sel-lem, në një hadith të vërtetë ka thënë: “Kush zotohet që ta respektojë All-llahun, le ta respektojë, e kush zotohet që të bëjë mëkat ndaj Zotit, mos t’i bëjë mëkat”. Pra, zotuesi nuk urdhërohet që ti veprojë këto vepra, për të cilat është zotuar, e ai që i vepron si adhurime, duke i konsideruar pjesë e fesë dhe rrugë që e shpien te All-llahu, është i devijuar, injorantë dhe kundërshtar i urdhërit të All-llahut dhe Pejgamberit. Është e ditur se ai që e bënë këtë, ai që zotohet të bëjë itikaf, etj, këtë e bënë në shenjë të fetarizmit dhe ska dyshim se veprimi i tyre në shenjë fetarizmi është i ndaluar, sepse disa veprime që nuk janë adhurime, i konsideron si adhurime dhe i afrohet All-llahut me disa veprime që All-llahu nuk i do, e kjo është haram. Mirëpo ai që këto i ban para se ti vjen dituria, mund të jetë i arsyetuar për shkak mosdijes, nëse nuk është argumentuar para tij kjo vepër, e nëse i ka arritur dija, atëherë duhet të pendohet. Përmbledhje e kësaj çeshtjeje është hadithi i Pejgamberit, sal-lall-llahu alejhi ve sel-lem: “Kush beson në All-llahun dhe ditën e ahiretit le to thotë fjalë të mira ose le të hesht”. Thënia e mirë, e cila është obligim ose e pëlqyeshëm është më i mirë se heshtja, e ajo që nuk është vaxhib ose mustehab, heshtja është më mirë se folja. Andaj disa nga selefi i kanë thënë shokëve të tyre: heshtja nga e keqeja është më e mirë se folja e sajë, kurse tjetri tha: folja në të mirë është më mirë se heshtja në te. All-llahu, subhanehu ve teala, ka thënë: “O ju që keni besuar, kur bisedoni mes vete fshehurazi, mos bisedoni për çka është mëkat, armiqësi dhe kundërshti ndaj pejgamberit, por bisedoni për punë të ndershme e të matura dhe kini frikën Allllahut, te i cili do të tuboheni!”. (El-Muxhadele: 9). All-llahu, subhanehu ve teala, thotë: “Në shumë biseda të tyre të fshehta nuk ka kurrfarë dobie, përveç (bisedës) kush këshillon për lëmoshë, për ndonjë të mirë ose pajtim mes njerëzve. E kush i bën këto duke pasur për qëllim vetëm kënaqësinë e All-llahut, Ne do ti japim më vonë (në botën tjetër) shpërblim të madh”. (En-Nisa: 114). Kurse në sunene tregohet se Pejgamberi, sallall- llahu alejhi ve sel-lem, ka thënë: “Secila fjalë e birit të Ademit është kundër tij, përveç atij që urdhëron në të mirë, ose ndalon prej të këqijave, ose e përmend All-llahun”. Hadithet që flasin për vlerën e heshtjes janë të shumta poashtu janë të shumta edhe ato hadithe që flasin për vlerën e të folurit në të mirë. Heshtja për ato gjëra që duhet të thuhen është haram, pa marur parasysh e konsideron si fe ose jo, siç është urdhërimi në të mirë dhe ndalimi prej të këqijave. Njeriu duhet të do, atë që e do All-llahu dhe Pejgamberi i Tij, e të urrejë atë që e urren Allllahu dhe Pejgamberi i Tij, të lejojë atë që lejon Allllahu dhe Pejgamberi i Tij dhe të ndalojë atë që ka ndaluar All-llahu dhe Pejgamberi i Tij. Shejhul-Islam Ibën Tejmijje
|